Саят Ильясовнинг рақиби 3-раундга чиқишдан бош тортди!

Хабарингиз бор, 2-13 декабрь кунлари Бирлашган Араб Амирликларининг Дубай шаҳри эркаклар ўртасида Жаҳон чемпионати баҳсларига мезбонлик қилади. IBA ташкилоти шаъфелигида ўтказилаётган ушбу турнирда терма жамоамиз аъзолари ҳам қатнашади. Биринчи кун доирасидан икки нафар боксчимизнинг баҳси ўрин олганди.

-63,5 кг вазнда вакилимиз Саят Ильясов ҳамда фаластинлик Анас Слейман тўқнашуви ўз ниҳоясига етди. Кутилганидек, Ильясов 2 раунд давомида анча фаол ҳаракат қилди ва рақиб 3-раундга чиқишдан бош тортди. Натижада ғалаба  ҳамюртимизга тақдим этилди.

Маълумот учун, эртага ҳам Жаҳон чемпионатининг навбатдаги кун баҳслари бўлиб ўтади. Барча янгиликларни бизнинг сайт орқали кузатиб боринг.