Senga joy yo‘q, ketaver! Legioner transferga qo‘yildi

«Napoli» yaqin haftalarda Noa Lang bilan xayrlashishi mumkin. Gollandiyalik yarim himoyachiga klub rahbariyati jamoada joy topib berolmayotgani sabab, uni sotish yoki ijaraga berish variantlarini faol ko‘rib chiqmoqda, deb yozadi vi.nl nashri.

Bir yil avval neapolliklar Niderlandiya terma jamoasi a’zosini PSVdan taxminan 28 million yevro evaziga olib kelgan edi. 

Ammo Lang «Napoli» tarkibida o‘zini to‘liq namoyish eta olmadi. Antonio Konte qo‘l ostida ham u asosiy tarkibda mustahkam o‘rin egallay olmadi va natijada «Galatasaray»ga ijaraga yuborildi.

Xabarlarga ko‘ra, «Napoli» futbolchini yana ijaraga berishga tayyor, ammo shartnomaga majburiy sotib olish bandini kiritishni talab qilmoqda. Bu band muayyan shartlar bajarilgan taqdirda ishga tushadi. 

Manbalarga ko‘ra, Noa Langni taxminan 25 million yevro atrofidagi summa evaziga to‘liq sotib olish imkoni ham mavjud.