Сенинг “Ливерпуль”да келажагинг йўқ

“Ливерпуль”нинг собиқ ярим ҳимоячиси Дитмар Хаманн жамоа плеймейкери Флориан Вирцнинг мерсисайдликлар сафида келажаги йўқ, деб ҳисоблайди.

2025 йил ёзида “Ливерпуль” Вирц учун ўша пайтда клуб тарихидаги рекорд трансфер суммаси бўлган 116 миллион фунт тўлаган эди. Бироқ Флориан ҳанузгача Англия Премьер-лигасига мослашиб кета олмади.

Ҳаманннинг фикрича, Вирцнинг янги мавсум бошидаги ўйинлари унинг “Ливерпуль”да муваффақият қозонишига шубҳа билан қарашга асос бўлмоқда.

- Вирцнинг “Ливерпуль”даги фаолияти ҳақида гапирадиган бўлсак, бу жараён осон кечмаяпти. Мен унинг энг яхши ўйинини кўрсатишига Ираола ёрдам бера оладими, деб билмоқчи эдим.

Мураббий келганида Вирц “ўнинчи рақам” позициясида ўйнашини айтган эди. Бироқ унинг ўйини ўтган мавсумга нисбатан яхшиланмади.

Унинг қанчалик иқтидорли эканини ва нималарга қодирлигини биламан. Аммо менимча, у ўз имкониятларига бўлган ишончини бутунлай йўқотган. У энди Премьер-лигада муваффақият қозона олишига ишонмаётгандек кўринади. Вирцнинг “Ливерпуль”да бу мақсадга эришишини тасаввур қила олмаяпман, - деди Хаманн. Унинг сўзларини Givemesport нашри келтирди.