Сербиялик футболчи "Динамо" билан хайрлашди

Сербиялик футболчи Марко Станоевич Самарқанднинг "Динамо" клуби билан хайрлашди. Бу ҳақида ўйинчининг ўзи ижтимоий тармоқ орқали маълум қилди. 
 
37 ёшли ярим ҳимоячи ўтган мавсум самарқандликлар сафида 29 та ўйинда майдонга тушиб, 1563 дақиқа ҳаракат қилди ва 2 та гол уришга муваффақ бўлди. 
 
Маълумот ўрнида, тажрибали ўйинчи "Динамо"дан аввал бир неча йиллар оралиғида Қаршининг "Насаф" клуби шарафини ҳимоя қилган.