Шаҳрам Ғиёсов UFCга ўтиши мумкинлигини инкор этмади

"Рио-2016" Олимпиадасида кумуш медални қўлга киритган боксчимиз Шаҳрам Ғиёсов бокс ва ММАни ўзаро солиштириб, келажакда UFC билан ишлаши мумкинлиги ҳақида гапирди.

"Бокс ўз йўлида, ММА ўз йўлида! Ҳар иккисининг ўзига яраша мухлислари бор. Ҳақиқатдан ҳам UFC охирги 2, 3 йил ичида жуда ҳам ривожланиб кетди, бутун дунё томоша қиляпти ва қизиқиш ортиб кетди.

Нимага?  Чунки, ваҳшийлик, қон тўкилиши ва нокаутлар кўп. Шунинг учун ҳам одамларнинг қизиқиши кучайиб кетмоқда. ММАда қўл, оёқ зарбалари ва ҳамма нарса бор, боксда эса фақат қўл билан уриш мумкин. Қўлқоплар ҳам каттароқ. Бокс бу санъат! Рақибни қандай алдаш, зарба бериш, тактика қилиш, стратегия тузиш...

ММА бу санъат эмас, аммо мен ҳеч қачон бу спорт турини ёмон демаганман, ўзим ҳам доим кузатиб бораман, жуда ҳам қизиқаман. Боя айтганимдек, ҳар икки спорт турининг ўз йўналиши ва мухлислари бор.

UFCга ўтишим мумкинлиги ҳақида бир нарса деёлмайман. Ҳозирда режаларим ва мақсадларим тўлиқ боксга қаратилган, аммо шундай таклиф бўлиб турадики, инсон йўқ дея олмай қолиши мумкин. Ростини айтсам, билмадим," - деди Ғиёсов.

Матнда хатолик топсангиз, ўша хатони белгилаб, бизга жўнатинг (Ctrl + Enter)