Шарофиддин Болтабоев финал босқичига йўл олди, яна 2 та бронза учун имкониятимиз ҳам бор

Ҳозиргина, Тошкент шаҳридаги "Ҳумо Арена" спорт сарофида "Катта дубулға" турнирининг иккинчи кун саралаш баҳслари якунига етказилди. Ушбу мусобақанинг бугунги кун дастури доирасида 3 дзюдочимиз медаллар учун даъвогарлик қилмоқда. 

Шарофиддин Болтабоев ярим финалда бельгиялик Маттиас Кассени енгиб, финалга йўл олди. Якуний баҳсда уни италиялик Кристиан Парлати кутиб турибди. 

Эркаклар ўртасида -73 кг вазн тоифасида Обидхон Нўъмонов бронза медали учун озарбайжонлик Рустам Оружов билан беллашади. 

Қизларимиздан Гулноза Матниёзова -70 кг вазнда словениялик Анка Погачникка қарши бронза медаль учун татамига чиқади. 

Финал баҳслари 17:00 да бошланади.