Шарофиддин Болтабоев финал жангида италиялик рақибига аламли тарзда мағлуб бўлди

Ҳозиргина Тошкент шаҳрида бўлиб ўтаётган дзюдо бўйича "Катта дубулға" турнирининг иккинчи кун баҳслари якунига етди. Финал беллашувларининг сўнггисида эркаклар ўртасида -81 кг вазн тоифасидаги якуний тўқнашувда ҳамюртимиз Шарофиддин Болтабоев италиялик Кристиан Парлатига қарши кураш олиб борди. 

Жанг давомида тўлиқ устунлик қилган Болтабоев "Golden score" вақтида вазари баҳоси эвазига мағлуб бўлди. Парлати қўшимча бўлимга 2 та шидо билан кирганига қарамай, якунда ўзи учун керакли натижани таъминлай олди. 

Эртага соат 9:30 да сўнгги кун баҳслари старт олади.