Шацких: Об-ҳаво бироз ҳалал берди

Cоcа-Cоlа Суперлига 9-турида сафарда “Турон”ни минимал ҳисобда мағлуб этган “Пахтакор” клуби бош мураббийи ротация ва захирадан ўйинчи туширмагани ҳақидаги саволларга жавоб берди.

“Бугун мухлисларга ёқадиган қизиқарли ўйин бўлди. Афсуски, об ҳаво шароити биз кутган ўйинни намойиш этишга бироз ҳалал берди. Умуман олганда, бугун фақат ғалаба қозонишни режа қилгандик ва буни уддаладик”, - деди Шатских.

“Аввал ҳам айтганимдек, жамоада захирадан майдонга тушадиган ўйинчилар деярли йўқ. Айримлари бетоб, қолганлари эса, ёшлар терма жамоаси йиғинида. Ротация қила олмайман. Бунга имкон йўқ. Шунинг учун ҳам, бугун захирадан ҳеч кимни туширмадим. Ҳа, биламан, бу жуда қийин, мен ҳам футболчи бўлганман, футболчиларга алмаштиришсиз ўйнаш катта жисмоний юклама эканини биламан, аммо, айтганимдек, захирадан тушишга ҳеч ким йўқ. Ҳозирги вазиятда имкониятларимиз бироз чекланган”.