Шавкат Саломов нима сабабдан майдондан четлатилди? (Видео)
Турнинг илк учрашуви Термизда кечди. Унда маҳаллий "Сурхон" жамоаси Қаршининг "Насаф" клубига қарши баҳс олиб борди. Беллашувнинг 76-дақиқасида "Насаф"нинг сербиялик легионери Марко Станоевичга нисбатан ўйин қоидаси бузилди.
Шундан сўнг ҳар иккала жамоа футболчилари ўртасида тортишув юзага келди ва унда Ҳусниддин Алиқулов фаол иштирок этди. Мазкур вазиятга "Сурхон" сардори Шавкат Саломов ҳам аралашди ва рақиб юзига тупурди. Буни қуйида келтирилган видеолавҳада "аждарлар"нинг 4-рақамдаги футболчиси юзини артаётганидан ҳам пайқаш мумкин.
Натижада учрашув бош ҳаками Аҳрол Рисқуллаев Алиқуловга сариқ карточка, Саломовга эса спортчига хос бўлмаган ҳаракати учун тўғридан-тўғри қизил карточка кўрсатди.
Фикрлар