Шимолий Америка терма жамоаси Ўзбекистон билан куч синашиш учун катта пул таклиф қилди!

Шимолий Американинг Канада терма жамоаси Ўзбекистон билан ўртоқлик учрашувини ўтказмоқчи ва бу учун Ўзбекистон футбол ассоциациясига 50 минг доллар таклиф қилган. Бу ҳақида "Дарё" маълум қилди. 
 
Маълум бўлишича, томонлар ўртасида келишувга эришилган. Жаҳон чемпионатига тайёргарлик кўраётган вакилларимиз эса бошқа вариантларми ҳам кўриб чиқмоқда. 
 
Канаданинг терма жамоамиз билан ўртоқлик учрашуви ўтказишга қизиқиш билдиришига асосий сабаб – Жаҳон чемпионати гуруҳ босқичида Қатарнинг уларнинг рақиби эканидир. 
 
Бундан ташқари, кўплаб футбол мухлислари биз учун Эквадор ёки Бельгия билан ўртоқлик баҳсини ўтказиш манфаатли ҳисобланишини таъкидламоқда.

Маълумот ўрнида, миллий терма жамоамиз 2026 йилда ўтказиладиган Жаҳон чемпионатининг гуруҳ босқичида Португалия ва Колумбия терма жамоалари билан тўқнаш келади. Конго/Ямайка/Янги Каледония жамоаларидан бири эса гуруҳнинг тўртинчи иштирокчисига айланади.