Шлоттербек “Реал” ва “Бавария” қизиқиши фонида келажаги ҳақида гапирди

Дортмунднинг “Боруссия” клуби марказий ҳимоячиси Нико Шлоттербек Европанинг етакчи жамоалари қизиқиши фонида ўз келажаги ҳақидаги саволга жавоб берди. Аввалроқ футболчининг хизматларига “Реал Мадрид” ва Мюнхеннинг “Бавария” клублари қизиқиш билдиргани хабар қилинган эди.

"Менинг клуб билан шартномам яна бир ярим йилдан ортиқ муддатга мўлжалланган. Яқин орада спорт директори Себастьян Кель билан суҳбатлашиб, режа тузамиз ва натижаларини кўрамиз. Мен Дортмундда ўзимни жуда яхши ҳис қиламан ва шу ерда фаолиятимни давом эттиришда ҳеч қандай муаммо кўрмаяпман. Бироқ бу, шубҳасиз, менинг карьерамдаги муҳим қарор бўлади", — деди Шлоттербек Sky Sport нашрига берган интервьюсида.

Маълумот учун, 25 ёшли ҳимоячи “aсаларилар"” сафида 2022 йил ёзидан буён тўп суриб келмоқда. Унинг клуб билан амалдаги шартномаси 2026/27 йилги мавсум якунлангунча амал қилади.