Shohjahon Abdullaev qozog‘istonlik bokschini yana mag‘lub etdi

Toshkentdagi "Humo arena"da boks bo‘yicha erkaklar o‘rtasidagi jahon chempionati davom etmoqda.

-86 kg vazn toifasida Shohjahon Abdullaev qozog‘istonlik Sagindik Tagambayga qarshi ringga ko‘tariladi. Jang tahminan 20:10dan so‘ng boshlanadi.

Bokschilar chiqib keldi. Hamyurtimiz ko‘k libosda, uning raqibi qizil formada harakat qiladi.

Birinchi raundda hamyurtimizning qo‘li baland keldi - 5:0.

Shohjahon ikkinchi raundda ham ustunlikka erishdi - 4:1.

Uchinchi raundda Shohjahon imkoniyatni boy berdi 2:3. Yakuniy natija 5:0 Shohjahon keyingi bosqichda.  

Shohjahon Abdullaev qozog‘istonlik bokschini yana mag‘lub etdi. Ularning avvalgi to‘qnashuvida hamyurtimiz raqibini nokaut qilgandi.