Шомуродов ҳам клубда, ҳам терма жамоада сўнгги 6 та ўйиндан буён тинимсиз гол урмоқда

Хабарингиз бор бугун Ўзбекистон терма жамоаси ЖЧ-2022 саралаш гуруҳ босқич 4-тури доирасида сафарда Сингапурга қарши баҳс олиб борди ва 3:1 ҳисобида ишончли ғалабани қўлга киритди.

Ушбу баҳсда “Ростов” ҳужумчиси Элдор Шомуродов дубль қайд этди. Шу тариқа у Ўзбекистон терма жамоаси ва “Ростов”да сўнгги 6 та ўйиндан буён кетма-кет гол урмоқда.

Эслатиб ўтамиз, Шомуродов жорий мавсум Россия премьер-лигасида ҳозирча 10 та гол билан тўпурарлар пойгасида пешқадамлик қилишмоқда.