Shomurodovning "Fenerbahçe"ga transferi barbod bo‘ldi

Turkiya chempionatida 14 ta gol bilan to‘purar bo‘lib turgan Eldor Shomurodovni "Fenerbahçe" transferlar oynasining so‘nggida o‘z tarkibiga qo‘shib olishga harakat qildi, lekin bu amalga oshmadi. 

Turkiyalik jurnalist Ersan Serdalning so‘zlariga ko‘ra, "Fenerbahçe" hujumchini o‘z tarkibiga qo‘shib olish uchun taklif bilan chiqdi: Fred + 6 million yevro. "Başakşehir" tomoni esa Fred + 10 million yevro istadi. 

Insayderning ta’kidlashicha, Nuri Şahin ham Shomurodovni ketishini istamadi. "Başakşehir" esa "Fenerbahçe"dan 12 million yevro so‘radi. Shu bilan muzokaralar yakunlandi, jamoalar kelisha olishmadi.