Шомуродовнинг ҳисоби бўш...

Италия чемпионатида “Рома” кўрсатаётган ўйин мухлису мутахассислар танқидига нишон бўлмоқда. Жозе Моуриньо пойтахт жамоасини суперклуб даражасига кўтариш учун олиб келинган. Клуб хўжайинлари бунинг учун португалиялик мутахассиснинг барча талабларини сўзсиз бажаришга, сўраган трансферларни амалга оширишга, янги ижрочилар учун пул етарлича пул ажратишга ҳаракат қилмоқда.

Мавсум бошида Моуриньо шогирдлари А Серия ва Конференциялар лигасида ғалабали серияни намойиш этганида ҳамма ишлар режадагидек кетаётгандай, жамоа олдига қўйилган Чемпионлар лигасига йўлланма олиш ва Конференциялар лигасида ғолиб чиқиш вазифасини уддалаш жамоага ортиқча муаммо туғдирмайдигандай туюлганди.

picture_3

Кейинчалик, ҳозирги “Рома” аслида юқори мақсадларга тайёр эмаслиги ойдинлашиб қолди. Айниқса, халқаро турнирда Норвегиянинг кичкинага шаҳарчаси шарафини ҳимоя қилаётган “Будё-Глимт” каби камтаргина жамоа буюк Римнинг машҳур мураббийи ва юлдузларини мисли кўрилмаган даражада (1:6) шарманда қилгани бу оддий тасодиф эмаслиги тобора ўз исботини топмоқда.

А Серияда “Рома” юқори ўринлар учун курашдаги асосий рақобатчилари – “Лацио”, “Ювентус”, “Милан”, “Интер” каби жамоаларга  ютқазишдан ташқари, ўртамиёна ҳисобланган “Верона”, “Болонья” ва аутсайдерлардан “Венеция”га ҳам уч очкони тортиқ қилиб юборди. Таъкидлаш жоизки, 16 та учрашувдан тенг ярмида очко йўқотган, айниқса, еттитасида имконият бой берган жамоанинг катта мақсадларга эришишига ҳеч ким ишонмай қўйди, ҳатто бу жумоа бунёдкори “Беназир” лақабли Моуриньо  бўлса ҳам.

“Рома”нинг “Интер”дан ўз майдонида 0:3 ҳисобида мағлубиятга учраганидан кейин Италия матбуотида римлик футболчилар танқид остига олинмоқда. Хусусан, www.calciomercato.com нашри мавсум бошида Моуриньо жамоасининг ҳақиқий моторига айланиши керак бўлган ўйинчилар кутилган даражада ҳаракат қила олмаётганини тилга олди.

пинто

- Моуриньо ҳайратга солишдан тўхтамаяпти. Лоренцо Пеллегрини ва Тэмми Абрахам бўлмаса, “Рома”нинг ҳужум салоҳияти нолга тенг эканини билиб олдик. Жамоанинг ўтган йилги энг зўр ўйинчиси Генрих Мхитаряннинг “кўзи ёнмай” қўйди. Футболимизнинг ёрқин истеъдоди Николо Дзаньоло ҳеч нарсага ярамаяпти. Бу ҳаммаси эмас. Элдор Шомуродовнинг ҳисоби ҳам бўш, у Моуриньога ёқадиган ҳужумчи, чунки бош мураббий клуб раҳбариятини бу футболчини Генуядан олиб келиш учун 18 миллион евро харажат қилишга кўндирган. Ўтган мавсум жамоа тўпурари бўлган Борха Майораль эса Моуриньо учун мавжуд эмасдек, - деб ёзмоқда www.calciomercato.com  мутахассислари.

Моуриньо ва у тарғиб қилаётган тактик схемалар, танланаётган таркиб танқид қилинаётганига қарама  й, “Рома” раҳбарияти португалиялик мутахассисга ишонч билдиришда давом этмоқда.

- Еттита мағлубият жуда кўп. Бунақа бўлишини кутмагандик, чунки ғалаба учун ишлаяпмиз. Лекин мен Моуриньо ва унинг иши самарасига юз фоиз ишонаман. Мавсум охирида мақсадимизга етамиз.

Моуриньо  уч йиллик лойиҳамизга мос мураббий. Бу борада зиғирча шубҳам йўқ. Ҳар куни ўйинчилар сезиларли даражада ривожланаётганини кўряпман. Қийин пайтда  ҳаммамиз бирлашсак, натижа ҳам келади. Мен мағлубиятдан кейин бош мураббий, ўйинчилар ва ғояларни ўзгартириш керак, дейдиганлардан эмасман, - деди “Рома” спорт директори Тиаго Пинту.

Шу ўринда, Моуриньо “Рома”ни тарк этиши мумкинлиги ҳақидаги хабарлар ҳам тарқала бошлади. Европанинг қатор нашрлари “Эвертон” хўжайинлари саккизта учрашувдан бери Англия премьер-лигасида ғолиб чиқа олмаётгани туфайли бош мураббий Рафаэль Бенитесни истеъфога чиқариб, ўрнига Моруиньони таклиф қилаётгани ҳақида хабарлар эълон қилиняпти.

image (1)_4

Азиз мухлислар, Сиз нима деб ўйлайсиз, “Рома” ва Шомуродов Чемпионлар лигасига йўлланмани қўлга кирита оладими? Элдор бошқа жамоага ўтгани маъқулми ёки Римда қолганими?

Фикр-мулоҳазаларингизни кутамиз...

Ана холос! “Рома” Шомуродовдан камроқ югуришни талаб қиляпти!

“Рома”ни қутқаролмаган Шомуродовнинг ўйини қандай баҳоланди?

Шомуродов “Манчестер Юнайтед” футболчиси билан бирга ўйнайди

Моуриньо эшитяпсанми, бу футболчи Римга бормайди!

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию
fayzulla egamqulov
07/12/2021 10:57
Eldor qolishi kerak lekin Maurinyo ketishi kerak. Mavrinyo qaysar va oʻz aytganidan qaytmaydigan murabbiy eskicha qarashlari tufayli Roma anchadan beri gʻalaba qozonmayapdi.
&
Бухорий Шариф
07/12/2021 22:46
Рома мураббийини ва футболчиларни битта яҳши Мулла топиб ўққитириш керак.
Baxil Alihuja
07/12/2021 13:21
Рома Европа Лигасига йул олса КАТТА ГАП! Лекин бу кетишда бу йулланма ололмаса керак. Италия Чемпионатида хозир 8-уринда турибди. Хали 9-га тушиб кетади. Элдор Женоага кайтса иши яхшиланиб кетади.
Навруз Кобилов
07/12/2021 12:17
Элдор Шомуродов узига берилган ишончни оклай олмаяпди хужумжи Нима булса хам гол уриши керак Хозирги Кунда гол ураолмаётган хужумжи хеч кимга керак эмас
Навруз Кобилов
07/12/2021 12:17
Элдор Шомуродов узига берилган ишончни оклай олмаяпди хужумжи Нима булса хам гол уриши керак Хозирги Кунда гол ураолмаётган хужумжи хеч кимга керак эмас
Навруз Кобилов
07/12/2021 12:17
Элдор Шомуродов узига берилган ишончни оклай олмаяпди хужумжи Нима булса хам гол уриши керак Хозирги Кунда гол ураолмаётган хужумжи хеч кимга керак эмас
Навруз Кобилов
07/12/2021 12:17
Элдор Шомуродов узига берилган ишончни оклай олмаяпди хужумжи Нима булса хам гол уриши керак Хозирги Кунда гол ураолмаётган хужумжи хеч кимга керак эмас
Dadaxon Ergashov
06/12/2021 20:39
Ketmagani maqul qolsin ohiri Nima buladi faqat uyin amaliyot birsa buldi Eldorga ROMA ELDORGA OMAD YOR BULSIN
&
⚽️FANAT M-YU⚽️
06/12/2021 19:25
Uzur adminlar mendan boshq hech kim yozmaydi meningcfikrim ketgani ma‘qul boshqa jamoaga

×