Shota Arveladze "Navbahor"ga qarshi o‘yindan so‘ng o‘z fikrlarini bildirib o‘tdi

Bugun Coca Cola Superliganing 14-turida “Navbahor” o‘z maydonida “Paxtakor”ni qabul qildi va 1:1 hisobida durang qayd etdi.

Uchrashuvdan so‘ng “sherlar” ustozi Shota Arveladze matbuot anjumanida ishtirok etdi va o‘z fikrlarini bildirib o‘tdi.

- O‘yin boshida 2-3 marta yaqqol vaziyatlardan foydalana olmadik. Raqib esa birgina zarbasidan gol urdi. Futbolda shunday bo‘lib turadi. Biz sekinroq o‘ynadik. Shu sababli ba’zan imkoniyatlar yuzaga keltirishda muammolar paydo bo‘ldi. Bugun ikki ochko yo‘qotdik deb o‘ylayman. Chunki o‘ta qulay holatlarda to‘p kiritmadik.

Pandemiya davrida xavfsizlik eng muhim jihat. Agar hamma joy ochiq deb e’lon qilinsa, ma’lum darajada kiritish mumkin. Lekin buni tibbiyot xodimlari yaxshiroq bilishadi.

O‘yin boshlanishidan avval komissar protokolga rioya qilinganini tekshirishi lozim. Darvoza o‘rnida ekani, hakamlar kelgani bo‘lishi kerak. Muxlislarni kiritish bo‘yicha ham o‘yinni o‘tkazish protokoliga amal qilinishi kerak.