
Шу футболчи ўйнаса “Арсенал” умуман ютқазмаяпти
Англия Премьер-лигасининг навбатдаги турида “Арсенал” футболчилари амалдаги чемпион “Манчестер Сити”ни 5:1 ҳисобида мағлубиятга учратди.
Squawka статистика маркази “канонирлар” сардори Мартин Эдегорнинг ажойиб кўрсаткичлар қайд этаётганига эътибор қаратди.
Унга кўра, норвегиялик футболчи иштирок этаётган ўйинларда “Арсенал” ўн ойдан бери мағлубият нималигини билмай келмоқда. Эдегорнинг бу серияси ўтган йилнинг апрель ойида бошланган бўлиб, ҳозир 22 та учрашувга етди.
Мартин Эдегор майдондалигида “Арсенал”ни мағлуб этган охирги жамоа “Астон Вилла” бўлади.
26 ёшли ярим ҳимоячи Норвегиянинг “Стрёмсгодсет” жамоасида футболга қадам қўйган. 2014 йили “Реал” академияси “Кастилья”га кўчиб ўтган. Кейинчалик “Реал”нинг асосий таркибига киритилмаган футболчи “Херенвен”, “Витесс”, “Реал Сосьедад” каби жамоаларга ижарага берилди.
“Арсенал” Эдегорни 2021 йилнинг бошида ярим мавсумга ижарага олиб, ёзда тўлиқ трансфер қилди. Шундан бери Мартин лондонликларнинг асосий фигураси ва жамоа сардори ҳисобланади.
Фикрлар