Шуни олинглар! “Реал” ўз футболчисини бошқа клубга ўтказмоқчи бўляпти

Мадриднинг “Реал” клуби 18 ёшли қанот ҳужумчиси Франко Мастантуоно фаолиятини  Италия чемпионатида давом эттириши мумкин, деб хабар бермоқда Tuttosport.

Испания клуби футболчи кўпроқ ўйин амалиётига эга бўлишини таъминлаш учун уни ёзда ижара асосида олишни “Ювентус”га таклиф қилган.

Мастантуоно 2025 йилда “Ривер Плейт”дан “Реал”га 45 миллион евро эвазига ўтган. Унинг Мадрид клуби билан шартномаси 2031 йилгача амал қилади.

Ўтган мавсумда аргентиналик футболчи “қаймоқранглилар” сафида барча турнирларда 35 та ўйин ўтказди, 3 та гол урди ва 1 та голли узатмани амалга оширди.

Transfermarkt портали маълумотларига кўра, футболчининг бозор қиймати 45 миллион еврони ташкил қилади.