Швайнштайгер жароҳат олди
Ads

 

“Бавария” ва “Манчестер Юнайтед” жамоаси собиқ ярим ҳимоячиси, айни вақтда АҚШнинг “Чикаго Файр” клубида тўп сураётган Бастиан Швайнштайгер жароҳат олди.

32 ёшли футболчи “Ванкувер Уайткэпс”га қарши ўйиннинг биринчи бўлим якунида рақибдан тўпни олиб, жамоадошига узатди ва шундан кейин сон қисмини ушлаб олиб, ерга ётиб олди.

Дастлабки текширувлар жароҳат оғир эмаслигини ва катта эҳтимол билан германиялик футболчи оёқдаги асаб толаларини қисиб олганини кўрсатди.

Маълумот учун, Швайнштайгер шу йилнинг март ойида “Чикаго Файр” аъзосига айланганди. У 14 ўйинда 2 та гол ва 1 та голли пасга муаллифлик қилди.