Симеоне мағлуб бўлган Моуриньога қаттиқ маслаҳат берди

«Атлетико» бош мураббийи Диего Симеоне Ла Лиганинг 7-туридаги дербидан сўнг «Реал» устози Жозе Моуриньонинг ҳакамлик борасидаги танқидига жавоб қайтарди. Мадрид дербисида «Атлетико» 2:1 ҳисобида зафар қучган эди.

Учрашув бош ҳаками икки нафар «Атлетико» футболчисини майдондан четлатиши керак бўлгани кейинчалик Испания Ҳақамлар техник қўмитаси томонидан тасдиқланди. Шу билан бирга, ўйин давомида «матрасчилар» таркибидан бирор ўйинчига ҳам қизил карточка кўрсатилмади. Мазкур қарорлардан норози бўлган Моуриньо беллашувдан сўнг ҳакамлар фаолиятини қаттиқ танқид қилди.

Симеоне эса ўз навбатида кескин жавоб қайтариб, португалиялик мураббийни ҳакамларга нисбатан ҳурматни йўқотмасликка чақирди.

«Бу ўйиндаги оддий эпизодлар, холос. Баъзан барчаси сенинг манфаатингга ишлайди, баъзан эса йўқ. Лекин қандай бўлмасин, ҳакамларга нисбатан ҳурматни йўқотиш мумкин эмас», - деди Симеоне.