Симона Халеп Майамида Винус Уильямсни енгди

Майами шаҳрида Хотин-қизлар теннис уюшмаси томонидан ташкиллаштирилаётган "Miami Open" турнирида чорак финал иштирокчилари аниқланмоқда.

Унда руминиялик теннисчи Симона Халеп тўртинчи даврада америкалик Винус Уильямсга қарши кортга чиқди. Мазкур баҳсда Симона рақибини ҳар иккала сетда бир хил 6:3 ҳисобида енгди. 

Шу тариқа Халеп мусобақанинг 1/4 финал босқичида хитойлик Цзян Ван билан куч синашадиган бўлди.