"Сити" 80 миллион евролик трансферни амалга ошириш арафасида

Омар Мармуш катта эҳтимол билан фаолиятини "Манчестер Сити"да давом эттиради. 

"Шаҳарликлар" "Айнтрахт" форвардини 80 миллион евро эвазига ўз сафига қўшиб олиш бўйича келишувга эришиш арафасида, дея хабар берди "Footmercato".

Манбага кўра, томонлар 25 ёшли мисрлик футболчининг қачон "Этиҳад"га кўчиб ўтиши масаласини ҳал қилиши керак. Мармушнинг ўзи аллақачон "Сити" билан келишувга эришган ва қишдаёқ АПЛга ўтмоқчи. 

Омар жорий мавсум барча турнирлар доирасида 24 беллашувда жами 18 та гол ва 12 та голли узатма муаллифига айланган.