Скоулз: "МЮ жамоани Бруну атрофида қуриши керак"

"Манчестер Юнайтед" афсонаси Пол Скоулз клуб раҳбариятини Бруну Фернандешни сақлаб қолишга ва уни жамоанинг марказий фигурасига айлантиришга чақирди.

— Бруну қолиши керак, чунки у жамоанинг энг яхши футболчиси. МЮда рўй берган деярли ҳар қандай ижобий ҳолатда унинг ҳиссаси бор.

Албатта, Саудия лигаси каби катта талаб ва улкан пул таклиф қилинаётган вазиятда ҳамма нарса ўз қўлингизда бўлмаслиги мумкин. Лекин МЮ Брунуни сақлаб қолиши шарт ва жамоа айнан у атрофида қурилиши лозим — бу янги футболчиларни харид қилиш имконияти бўлса ҳам, бўлмаса ҳам муҳим.

Аммо сўнгги йилларда амалга оширилган трансферларни ҳисобга олсак, Аморим учун кераксиз футболчилардан қутулиш жуда қийин бўлади.

Агар жамоа Чемпионлар лигасига йўлланма олса, янги футболчиларни жалб қилиш осон кечади. Бироқ, трансферлар фақат келиш билан чекланмайди — кетаётганлар бўйича ҳам иш олиб бориш керак, ва бу унинг ишидаги энг мураккаб қисми бўлади, — деб ёзди Скоулз TNT Sports нашрига.