Скудетто учун кураш авжида ёхуд Милан клубларидан қайси бири якунда чемпион бўлади?

Кеча А Серияда охирги 38-тур ўйинларига старт берилди. Эртага ушбу турнинг асосий ўйинлари бўлиб ўтади. 

Параллел тарзда бошланадиган "Интер" - "Сампдория" ва "Сассуоло" - "Милан" учрашувлари чемпионлик масаласини ҳал қилиб беради. Вазият анча чигал кўринса-да, аслида, ундай эмас. 

Агар "Милан" рақибини мағлуб этадиган бўлса, "Интер"да ҳеч қанақасига имконият қолмайди. "Россонерилар" дуранг қайд этиб, "нерадзуррилар" у томонда ғалаба қозонса ҳам ўзаро беллашувлардаги устунлик сабаб Пиоли шогирдлари чемпион бўлади. 

Табиийки, Индзаги бошчилигидаги жамоанинг очко йўқотиши "кўк-қоралар"ни Скудеттодан маҳрум қилади. Шу тариқа, Лаутаро ва унинг жамоадошлари "Сампдория"ни мағлуб этиши шарт ва "Милан"нинг "Сассуоло"га имкониятни бой беришидан умидвор.