"Sky Sports" АПЛдаги футболчилардан рамзий терма жамоа тузди (фото)

Англиянинг "Sky Sports" нашри Премьер-лига футболчиларининг статистикасига асосланган рамзий терма жамоани эълон қилди.

Ушбу статистика "Power rankings" тизимидаги кўрсаткичларга қараб тузиб чиқилган. Маълумот учун, "Power rankings" тизимида гол, голли узатма, қайтарилган тўплар, олиб қўйилган тўплар каби жами 34 хилдаги статистик маълумотлар жой олган бўлади.

Якунда эса, рамзий терма жамоа қуйидагича кўриниш олди: Каспер Шмейхель ("Лестер"), Трент-Александр Арнольд ("Ливерпуль"), Вирджил ван Дейк ("Ливерпуль"), Жеймс Тарковски ("Бёрнли"), Эндрю Робертсон ("Ливерпуль"), Кевин Де Брюйне ("Манчестер Сити"), Жеймс Мэддисон ("Лестер"), Жек Грилиш ("Астон Вилла"), Садио Мане ва Муҳаммад Салоҳ (иккаласи – "Ливерпуль"), Рауль Хименес ("Вулверхэмптон").