"Сўғдиёна" расман Улуғбек Бақоевни истеъфога чиқарди

Бир неча йиллар давомида "Сўғдиёна"нинг муваффақиятли юришларида катта жонбозлик кўрсатиб келган мураббий Улуғбек Бақоев жамоани тарк этди. Бу ҳақда клуб матбуот хизмати хабар тарқатди.

Улуғбек Бақоев "бўрилар"ни 2019-йилнинг апрель ойида қабул қилиб олган эди. Жамоа шу йилнинг ўзида 4-ўринни олишга муваффақ бўлганди. 2020-йилги мавсумда 6-ўринни қўлга киритилди.

Бақоев бошчилигидаги "Сўғдиёна" 2021-йил ўзининг энг яхши натижасини кўрсатиб, Суперлигада тарихий кумуш медаллар соҳибига айланди. Тарих янгиланди.

2022-йилда Бақоев бошчилигидаги жиззахликлар ОФК кубоги ҳамда Ўзбекистон кубоги ярим финалида кубок бахсларини якунлади. Ҳар иккала ярим финалларда пенальтилар сериясида имконият бой берилди.