Соққа қилишни Роналдудан ўрганинг!

Нуфузли манба – Footmercato портали 2024 йил якунлари бўйича энг кўп пул ишлаб топган футболчилар рейтингини тузиб чиқди.

Унга кўра, чарм тўп усталари орасида пул топишда Криштиану Роналдуга етадигани йўқ. Қирқни қоралаб қолган юлдуз йил давомида 263 миллион евро даромад кўрган.

Бу кўрсаткич бўйича португалиялик юлдуз ашаддий рақобатчиси Лионель Мессини ортда қолдирди. “Интер Майами”да тўп тепаётган аргентиналик юлдузнинг йиллик даромади 124 миллион еврони ташкил қилди.

Умумий рейтингда учинчи поғонада қайд этилган Неймар қисқа вақт ичида тул топишда тенги йўқ чиқиб қолди. 2024 йил давомида жами 42 дақиқа майдонда “тер тўккан” бразилиялик юлдуз 101 миллион евро маош олди.

Ўтган йилда энг кўп маош олган футболчилар кучли ўнлиги билан танишинг:

Криштиану Роналду — 263 млн евро

Лионель Месси — 124 млн евро

Неймар — 101 млн евро

Карим Бензема — 96 млн евро

Килиан Мбаппе — 83 млн евро

Эрлинг Холанд — 55 млн евро

Винисиус Жуниор — 51 млн евро

Муҳаммад Салоҳ — 49 млн евро

Садио Мане — 48 млн евро

Кевин Де Брюйне — 36 млн евро.