Sport.es: "Барселона" Неймардан "Реал"га ўтмасликни сўрамоқда

“Барселон” клуби ҳамон Неймарни ПСЖдан сотиб олишга урунмоқда. Хатто, бунинг учун улар Франция чемпионига Филиппе Коутиньони беришга ҳам рози бўлишган.

Sport.es нашри тарқатган хабарга кўра “кўк-анор ранглилар” бразилиялик футболчидан “Реал”нинг таклифига рози бўлмасликни сўрашмоқда. Айтиш керакки, “қироллик клуби” Неймарга “Барселона” таклиф қилаётган маошдан кўпроқ пул ваъда қилмоқда. Бироқ, Неймар айнан каталонияликлар сафига қайтишни хоҳламоқда.

Эслатиб ўтамиз, Неймар 2013-2017 йилларда “Барселона” сафида тўп сурган ва шундан сўнг 222 млн евро эвазига ПСЖга кўчиб ўтган эди.