"Спортинг" "Болонья" клуби устозига нега пул тўлади?

«Спортинг» клуби сербиялик мутахассис Синиша Михайловични 2018 йили бош мураббий вазифасидан истеъфога чиқаргани учун унга 3 миллион евро миқдорида товон пули тўлади», - дея хабар бермоқда «A Bola» нашри.

Михайлович пулларни спорт Арбитраж суди (CAS) орқали ундириб олишга эришди. У CASга истеъфога чиқариб юборилганидан кейиноқ даъво аризаси билан мурожаат қилганди.

Эслатиб ўтамиз, сербиялик 49 ёшли мутахассис «Спортинг» клубига 2018 йилнинг 18 июль куни бош мураббий этиб тайинланган. Орадан 9 кун ўтиб Бруну де Карвалью «Спортинг» клуби президенти лавозимидан кетганидан кейин ва ўрнига бошқа раҳбар келганидан сўнг бош мураббийни 3 йиллик шартномаси бўлишига қарамасдан ишдан бўшатганди.

Аввалига португал клуби Синишага 300 минг евро тўлаган, Михайлович эса судда 11,2 миллион евро талаб қилган. Аммо суд ишни 3 миллион евро қийматидаги тўлов билан ёпди. Ўтган йилнинг ёзидан бери оққон касаллиги билан курашаётган Михайлович айни пайтда Италиянинг «Болонья» клубига устозлик қилмоқда.