Srechko Katanets "Olimpik" - "Xorazm" o‘yinini stadionda kuzatdi

O‘zbekiston milliy terma jamoasi bosh murabbiyi Srechko Katanets va uning yordamchilari pro-ligadan o‘rin olgan “Olimpik” – “Xorazm” (1:1) uchrashuvini stadiondan tomosha qilishdi.

Ma’lumki, “Olimpik” klubida olimpiya terma jamoasiga nomzod bo‘lgan bir qancha futbolchilar to‘p suradi. Shu sabab sloveniyalik mutaxassis yosh va iste’dodli futbolchilarni kuzatib boryapti.

Ushbu uchrashuvga, shuningdek, O‘zbekiston milliy olimpiya qo‘mitasi raisi Rustam Shoabdurahmonov ham tashrif buyurdi, - deya xabar bermoqda, O‘FA matbuot xizmati.

Eslatib o‘tamiz, Katanets boshchiligidagi milliy terma jamoamiz 5 sentyabr kuni Stokgolmda Shvetsiyaga qarshi o‘rtoqlik uchrashuvini o‘tkazib 2:1 hisobida mag‘lubiyatga uchradi.