Суарес Европада қолмоқчи, аммо...

Уругвайлик ҳужумчи Луис Суарес ҳамон жамоасиз қолмоқда. Футболчи шу ёзда эркин агент бўлиб “Атлетико”ни тарк этганди.

“El Mundo Deportivo” нашри хабарига кўра, Суарес Чемпионлар лигасида ўйнайдиган клубда карьерасини давом эттиришни истамоқда. Форвард шу ҳафта ўз келажаги борасида қарор қабул қилиши керак. Шунингдек, Суарес учун захира варианти ҳам бор: Уругвайнинг “Насьональ” жамоаси.

Аввалроқ, футболчи "Барселона" базасида машғулот ўтказаётгани ҳақида хабар берилган эди. Луиснинг хизматлари эса Каталония грандига таклиф қилинган, бироқ “Барса” раҳбарияти бунга рад жавобини берди.

35 ёшли Суарес 2014 йилдан 2020 йилгача “Барселона” сафида тўп тепган. Сўнгги икки мавсум эса Луис "Атлетико" Мадрид шарафини ҳимоя қилди. Унинг “матрасчилар” билан шартномаси ўтган ой охирида якунига етди.