Суарес ва Кавани бир жамоада ўйнайди

Уругвай футболининг икки юлдузи - Луис Суарес ва Эдинсон Кавани “Фенербаҳче” клуби шарафини биргаликда ҳимоя қилиши кутилмоқда, деб хабар бермоқда хориж матбуоти.

Манбаларнинг таъкидлашича, Туркиянинг номдор клуби ҳужум чизиғини кучайтириш мақсадида эркин агентга айланган ҳар икки тўпурарни ўз сафига қўшиб олишга ҳаракат қилмоқда.

Аслида Суарес ва Каванига АҚШ томонлардан ҳам таклифлар етарли. Бироқ, ёши ўтиб қолган футболчилар Европада кетишга шошилмаяпти.

“Фенербаҳче” янги мавсумда Чемпионлар лигасининг саралашида иштирок этади ва гуруҳ босқичига чиқиш имкониятига эга. “Кўҳна қитъа”нинг энг нуфузли турнирида иштирок этиш имконияти Суарес ва Каванини бу жамоа таклифини қабул қилишида муҳим омил ҳисобланади.