Суарес янги жамоаси билан шартнома имзолади!

“Атлетико” Мадрид ҳужумчиси Луис Суарес кутилганидек “Ривер Плейт” футболчисига айланди. Бу ҳақда ESPN журналисти Кристиан Мартин хабар бермоқда.

Сўнгги икки мавсум давомида "Атлетико"да ўйнаган 35 ёшли уругвайлик футболчининг "Атлетико" билан шартномаси муддати тугади ва шу сабабли у Аргентина клубига эркин агент сифатида текинга кўчиб ўтди.

Маълумот учун, Суарес ўтган мавсум “Атлетико” сафида Ла Лигада жами 35 та ўйинда майдонга тушди ва 11 та гол урди ҳамда 2 та голли узатмага муаллифлик қилди.