Субименди: "Биз мухлисларга унутилмас хотира тақдим этмоқчимиз"

Лондоннинг "Арсенал" клуби ярим ҳимоячиси Мартин Субименди ПСЖга қарши бўлиб ўтадиган Чемпионлар лигаси финали ҳақида фикр билдирди.

Ҳал қилувчи учрашув 30 май куни Будапештда бўлиб ўтади. “Тўпчилар” тарихда илк бор Европанинг энг нуфузли клублар мусобақасида ғолиб чиқиш имкониятига эга.

"Биз бу ўйинни сабрсизлик билан кутяпмиз. Узоқ мавсум ортда қолди ва ҳозир муваффақиятга нақадар яқин эканимизни ҳис қиляпмиз.

Мавсумни ҳақиқатан ҳам буюк натижа билан якунлашни жуда истаймиз. Агар мақсадимизга эришсак, мухлисларимизга унутилмас хотира тақдим этамиз. Умид қиламанки, бу ноёб кунга айланади", — деди Субименди.

Эслатиб ўтамиз, Микель Артета жамоаси ярим финалда Мадриднинг “Атлетико” клубини икки ўйин натижасига кўра 2:1 ҳисобида мағлуб этган эди.