Субименди: "Улар жарима майдончаси ичида жуда хавфли"

Испаниянинг 25 ёшли ярим ҳимоячиси Мартин Субименди Италия терма жамоаси билан бўлиб ўтадиган "Евро-2024" гуруҳ босқичи доирасидаги учрашув олдидан фикрлари билан ўртоқлашди.

"Мен италиялик футболчиларга қарши кўп ўйин ўтказдим. Уларнинг кўпчилиги жангчи ўйинчилар. Кўп қиррали, турлича ўйин кўрсата оладиган таркиб. Улар рақибнинг жарима майдончаси ичида жуда хавфли", - дея хавбекнинг сўзларини келтирди Испания термасининг матбуот хизмати. 

Эслатиб ўтамиз, 20 июнь куни Италия ва Испания терма жамоалари ўртасида "Евро-2024" гуруҳ босқичининг иккинчи тур учрашуви бўлиб ўтади. Бахс Гельзенкирхендаги "Фельтинс-Арена" стадионида старт олади.