Суперҳужумчи мадридликлардан қаттиқ хафа бўлди

Аргентиналик ҳужумчи Хулиан Альварес “Атлетико Мадрид” клубидан хафа ва жуда ғазабланган. Бу ҳақда журналист Лео Парадизо маълум қилди.

Манбага кўра, биринчи сабаб –  ҳужумчи “Арсенал”га қарши Чемпионлар лигаси ярим финалининг жавоб учрашувида майдонга тушиш учун катта ҳаракат қилган. Альварес жароҳатига қарамай, оғриқ қолдирувчи уколлар билан ўйнаган.

Бироқ форвард “ЖЧ–2026”га йўл олгач, клубдан ҳеч ким унинг аҳволи билан қизиқмаган ва хайрлашмаган.

Иккинчи сабаб эса, “Барселона” клубининг таклифига “Атлетико” жавоб бермаётгани ва масалани мавҳум ҳолда ушлаб турганидир.

Шу каби воқеалар кетма-кетлиги аргентиналик форварднинг Мадрид суперклубидан норозилигига сабаб бўлмоқда.