Суперкомпьютер аниқлаб берган Чемпионлар лигасининг асосий фаворитлари билан танишинг

Мазкур ҳафта УЕФА Чемпионлар лигасининг 1/8 финал босқичидаги дастлабки учрашувлар ўтказилди.

Бу ўйинлардан сўнг "Opta" суперкомпьютери турнирнинг бош фаворитини аниқлади. Даъвогарлар рўйхатида биринчи ўринни Англия премьер-лигаси пешқадами "Ливерпуль" эгаллади. Арне Слот шогирдларининг ғолиблик имконияти 26 фоиз деб баҳоланди.

Иккинчи ўринда Каталониянинг "Барселона" жамоаси 17,3 фоиз билан жойлашди. Кучли учликни Миланнинг "Интер" клуби 15,5 фоиз билан якунлади.

Ўнталикка қуйидаги жамоалар ҳам киритилди: "Арсенал" (13,8%), "Реал Мадрид" (9,2%), "Бавария" (8%), ПСЖ (3,1%), "Атлетико" (2,2%), "Астон Вилла" (1,6%) ва "Лилль" (1,5%).