Суперкомпьютер: "Арсенал" 0:3 га ютқазганидан кейин чемпионлик имконияти ошиб кетди

Англия премьер-лигасида ўтказилган беш турдан сўнг Opta суперкомпьютери 2026/2027 йилги мавсумда чемпионлик учун курашаётган клубларнинг имкониятларини қайта баҳолади.

Ҳисоб-китобларга кўра, асосий даъвогар сифатида амалдаги чемпион – Лондоннинг «Арсенал» жамоаси қайд этилган. Микель Артета шогирдларининг чемпионлик эҳтимоли аввалги 38 фоиздан 43,52 фоизгача ошган.

Рўйхатдаги иккинчи ўринни «Манчестер Сити» эгаллаб турибди. Энцо Мареска бошқарувидаги жамоанинг титулга эга чиқиш эҳтимоли деярли 41 фоизга тенг деб баҳоланган. Учинчи поғонада эса «Ливерпуль» жой олган – мерсисайдликларнинг имконияти 4,4 фоиз этиб кўрсатилган.

Лондоннинг яна бир клуби – «Челси» учун чемпионлик эҳтимоли 1 фоиз атрофида баҳоланмоқда. «Манчестер Юнайтед» учун эса бу кўрсаткич 0,9 фоизни ташкил этади.

Маълумот учун, беш турдан сўнг АПЛ турнир жадвалида «Манчестер Сити» пешқадамлик қилмоқда. Манчестер клуби «Арсенал»дан уч очко олдинда бормоқда.