Суперлига. "Машъал" ўзаро ўйинлардаги ғалабалар бўйича "Андижон"дан устун

Хабарингиз бор, бугун Самвел Бабаян бошчилигидаги "Андижон" Суперлиганинг 4-туридан ўрин олган баҳсда "Машъал" билан куч синашади. 
 
Ушбу икки жамоа шу кунгача ўзаро 36 марта тўқнаш келган. Уларнинг 19 тасида "Машъал" клуби зафар қучган. 16 марта "бургутлар"нинг қўли баланд келган. 5 та учрашув дуранг якун топган. Голлар нисбати 39 - 51, устунлик яна муборакликларда. 

Ўтган мавсум 1-даврадаги тўқнашувда "Андижон" 1:0 ҳисобида муваффақиятга эришган. 2-даврада эса "Машъал" шу ҳисобда рақибини мағлуб этган.

Эслатиб ўтамиз, бу мавсум "Машъал" ҳали гол ура олгани йўқ. Шу сабаб, жамоа 0 очко билан турнир жадвалининг сўнгги ўринида бормоқда. "Андижон" эса 3 очко билан 3-ўринни эгаллаб турибди. Бўлажак беллашув соат 16:00’да старт олиши режалаштирилган.