Суперлига. "Насаф" яна бош билан урилган гол эвазига "Бухоро"ни мағлуб этди!

Ўзбекистон Суперлигаси 16-туридан ўрин олган "Насаф" - "Бухоро" баҳси якунланди. Унда мезбонлар кичик 1:0 ҳисобида зафар қучди.

Ягона голни Алибек Давронов киритди. У бурчак зарбасидан сўнг боши билан тўпни дарвозага жойлаб қўйди. 

Шу тариқа, "Насаф" 28 очко билан 4-ўринда қолди. 10 очкоси бор бухороликлар 13-поғонадан жой эгаллаган.

• 90+9'
  

  Баҳс ўз якунига етди. "Насаф" кичик ҳисобда "Бухоро"ни мағлуб этди - 1:0.

• 90+5'

  Майдонда жанжал юзага келди. "Бухоро" футболчилари асабини жиловлай олмаяпти. 

• 90'
  

  Беллашувнинг асосий вақтига 6 дақиқа қўшиб берилди. 

• 87'

  Тўп назорати меҳмонларда. Улар позицион ҳужум ташкил қиляпти. 

• 84'

  "Бухоро" гол ўтказиб юборгач, ҳужумлари сонини секин-аста кўпайтириб бормоқда. 

• 78'

  Майдонда кескинлик юқори даражага чиқмоқда. 

• 74'
  

  ГООООООООООООЛ! "Насаф" учрашувда ҳисобни очди. Алибек Давронов бурчак зарбасидан сўнг бош билан тўпни дарвозага жойлаб қўйди. 

• 70'
  

  Меҳмонлар аъзоси Фране Икич сариқ карточкага лойиқ кўрилди. 

• 69'

  Лиманинг яна бир зарбаси хавфли кўриниш олди, аммо "аждарлар" учун вазият гол билан якунланмади. 

• 64'
  

  "Бухоро"да икки ўзгариш. Дилшод Жўраев ва Александар Станисавлевич ўрнига Аслиддин Турсунпўлатов ва Всеволод Нихаев баҳсни давом эттиради. 

• 61'

  Ухххх-2. Лима Круз ўта қулай имкониятни кўкка совурди. 

• 59'

  Андрес Чавезнинг бош билан берган зарбасига озгина аниқлик етишмади. 

• 57'
  

  Ухххх. Лима Крузнинг ерлатиб берган зарбасидан сўнг тўпни Қобулжонов оёқлари билан қайтариб қолди. 

• 53'
  

  Энди меҳмонларда ўзгариш. Муҳаммаджон Раҳимов ўз ўрнини Ҳумоюнмирзо Иминовга бўшатиб берди. 

• 51'
  

  Майдон эгаларида ўзгариш. Ғолиб Ғайбуллаев ҳамда Азизбек Амонов ўрнига Шуҳрат Муҳаммадиев ва Лима Круз майдинга тушди.

• 49'

  "Бухоро" футболчисининг зарбаси ўта ноаниқ кўриниш олди. 

• 46'
  

  Иккинчи бўлим бошланди!

• 45+6'
  

  Биринчи тайм тугади. Ҳозирча беллашувда ҳисоб очилмади - 0:0.

• 45+4'

  Ўйинда тўхталиш. Меҳмонлар футболчиси жароҳат олган кўринади. 

• 45'
  

  Биринчи бўлимга 4 дақиқа вақт қўшиб берилди. 

• 42'

  "Бухоро"нинг қарши ҳужуми қаршилик ҳимоячилар томонидан бартараф этилди. 

• 40'

  Тўп назорати ҳозирча мезбонлар фойдасига.

• 38'

  Ҳакам ҳам ўйинни четдан кузатишдан зерикди, чоғи. У кутилмаганда тўпга тегиб қолди ва "Бухоро" ҳужумини тўхтатиб қўйди. 

• 35'

  "Аждарлар" майдонда тўлиқ устунлик қилмоқда. 

• 32'
  

  "Бухоро" вакили Жавоҳир Рўзиевга тиббий ёрдам кўрсатилмоқда. 

• 30'

  "Насаф"нинг позицион ҳужумини Бақоев шогирдлари қайтаришга муваффақ бўлди. 

• 28'
  

  Ғайбуллаевнинг зарбаси аниқ чиқди. Аммо "Бухоро" дарвозабони ўз ўрнида!

• 25'
  

  Меҳмонлар таркибида кутилмаганда ўзгариш рўй берди. Жамолиддин Убайдуллаев ўрнига майдонга Жасур Холтўраев туширилди. 

• 24'

  "Бухоро" асосан қарши ҳужумларга эътибор қаратиб ҳаракат қилмоқда.

• 21'

  Қобулжонов "Насаф"нинг ҳужумини "Нойер усули"да бартараф этди.

• 16'

  Амонов рақиб футболчисига нисбатан қўпол ҳаракат қилди. 

• 14'
  

  Мозговой меҳмонлар посбони билан бирга-бир вазиятга чиқиб бориб, зарба йўллади. Аммо бу вазиятда офсайд борлиги қайд этилди. 

• 11'

  Меҳмонларнинг жарима зарбасидан сўнг уринишини Умиджон Эргашев зарарсизлантирди.

• 9'

  "Бухоро" дарвозабонига нисбатан ўйин қоидаси бузилди.

• 6'

  Ойбек Бозоровнинг кучли зарбасига озгина аниқлик етишмади. 

• 4'

  Ҳозирча майдонда сокинлик ҳукм сурмоқда. 

• 1 '
  

  Учрашувга старт берилди. "Насаф" футболчилари кўк, "Бухоро" вакиллари эса оқ рангли либосларда ҳаракат қилади.

• *'

  Жамоалар майдонга чиқиб келишди.