Суперлига. "Навбаҳор" - "Сўғдиёна": Ўзаро ўйинларда қайд этилган натижалар қандай?

Ўзбекистон Суперлигасининг 4-туридан ўрин олган баҳсда “Навбаҳор” ўз майдонида Жиззахнинг “Сўғдиёна” жамоасини қабул қилади.

Мазкур клублар Ўзбекистон чемпионатларида ўзаро 54 марта учрашган. Ушбу ўйинларнинг 25 тасида “Навбаҳор” ғалаба қозонган бўлса, “Сўғдиёна” 21 та баҳсда зафар қучган, 8 та беллашувда эса дуранг қайд этилган. Тўплар нисбатидаги кўрсаткич 89-62, “Навбаҳор” фойдасига.

Наманганликлар ўзаро ўйинларда 83 очкони қўлга киритган бўлса, жиззахликлар ҳисобида 71 очко мавжуд. 

Клублар ўртасидаги ўзаро учрашувлардаги энг йирик ҳисоб 1996 йили қайд этилган. Ўша йили “лочинлар” Наманганда жиззахликлар дарвозасига 7 та жавобсиз тўп киритганди.

Сермаҳсуллик борасида эса 2000 ва 2014 йиллардаги учрашувлар тарихда қолган. Эътиборлиси, ўша ўйинларда дарвозаларга тўққизтадан гол урилган.

2000 йили Наманганда бўлиб ўтган тўқнашувда мезбонлар 6:3 ҳисобида зафар қучган бўлса, 2014 йили Жиззахда ўтказилган баҳсда “бўрилар” 5:4 ҳисобида ғалаба қозонган.

Наманганда бўлиб ўтган учрашувларнинг 21 тасида “лочинлар” зафар қучган, 2 та ўйинда жиззахликлар ғалаба қозонган, 4 та баҳсда эса жамоалар дурангга имзо чеккан.

“Навбаҳор”нинг ўз майдонида бўлиб ўтган ўйинларидаги тўплар нисбати – 60-17, водий клуби фойдасига. 

Эслатиб ўтамиз, “Навбаҳор” – “Сўғдиёна” ўйини 1 апрель куни Намангандаги “Марказий” стадионида соат 18:00 да старт олади.

“Навбаҳор” ПФК матбуот хизмати.