Суперлига ўтиш баҳсида кимлар ўйнайди? Ёхуд "Нефтчи"нинг рақиби аниқланди

Бугун Суперлига-2020 мавсумининг охирги тур учрашувлари ўтказилди. Аввалги турларда совриндорлар аниқланганди. Бу гал эса чемпионатни ким тарк этиши маълум бўлди ва қайси жамоа ўтиш баҳсида иштирок этиши аниқланди.

Чемпионатни сўнги поғонани банд этган "Бухоро" тарк этди. 13-ўриндаги "Андижон" ўтиш ўйинида қатнашади. Унда "бургутлар" яқинда шов-шув кўтарган "Нефтчи" билан беллашади. Фарғоналиклар Про лигада "Турон"дан кейин 2-ўринни эгаллашганди.