Суперлига. "Пахтакор" ва "Андижон" ҳозиргача 52 бора тўқнашган (превью)

Суперлига 8-тур қолдирилган ўйинида 29 июнь куни "Пахтакор" Тошкентда "Андижон"ни қабул қилади.

Ҳозирга қадар жамоалар чемпионатда 52 бор тўқнаш келишган. Улардан 39тасида "шерлар" ғалаба қозонган бўлса, 8 баҳсда дуранг натижа қайд этилган. 5 марта "Андижон" футболчилари муваффақиятга эришган. Рақиб дарвозасини 125 марта ишғол қилган "Пахтакор" 35 гол ўтказиб юборган.

Тошкентда ўтказилган 26 баҳснинг 23тасида "шерлар" зафар қучган. 3 баҳсда эса кучлар тенг келган. Охирги марта рақиб Тошкентда 2010 йил очкога эришган. Юқори лигада "Андижон" кўп мавсум ўйнагани сабабли мазкур жамоалар тўқнашуви ҳам тарихий учрашувлардан ҳисобланади.

Ўзаро ўйинлардаги энг йирик натижа - 6:0 ҳисоби 2015 йил Тошкентдаги учрашувда кузатилган. Ўшанда "Пахтакор" шундай йирик ғалабага эришган.

"Пахтакор" ва "Андижон" жамоалари ўртасидаги беллашув 29 июнь, пайшанба куни "Пахтакор" стадионида соат 20:00да бошланади.