Superligada o‘tgan oyning eng yaxshi futbolchisi e’lon qilindi

O‘zbekiston Professional futbol ligasi Superligada aprel oyining eng yaxshi futbolchisini ma’lum qildi. Unga ko‘ra, "Paxtakor" hujumchisi Igor Sergeev sovringa munosib deb topildi.

Terma jamoamiz futbolchisi aprel oyida 5 ta bahsda maydonga tushib 6 ta gol urdi va 1 golga assistentlik qildi.

Ma’lumot o‘rnida, Sergeev Osiyo kubogida olingan jiddiy jarohatdan so‘ng, bu mavsumdan e’tiboran "Paxtakor"ga qaytdi. Shu paytgacha umumiy 8 uchrashuvda maydonga tushdi va 6+2 natijani qayd etdi. Shulardan, yuqorida yozilganidek, 6+1 natija aprel oyiga to‘g‘ri keldi.