Суперлигада ўтган ойнинг энг яхши футболчиси эълон қилинди

Ўзбекистон Профессионал футбол лигаси Суперлигада апрель ойининг энг яхши футболчисини маълум қилди. Унга кўра, "Пахтакор" ҳужумчиси Игорь Сергеев совринга муносиб деб топилди.

Терма жамоамиз футболчиси апрель ойида 5 та баҳсда майдонга тушиб 6 та гол урди ва 1 голга ассистентлик қилди.

Маълумот ўрнида, Сергеев Осиё кубогида олинган жиддий жароҳатдан сўнг, бу мавсумдан эътиборан "Пахтакор"га қайтди. Шу пайтгача умумий 8 учрашувда майдонга тушди ва 6+2 натижани қайд этди. Шулардан, юқорида ёзилганидек, 6+1 натижа апрель ойига тўғри келди.