Superyulduz nega “Liverpul”ni tanlaganini aytdi

  • 23 iyun, 17:50
  • Zohir Toshxo’jayev
  • 0
  • Futbol
CHERY AUTO

Angliyaning amaldagi chempioni “Liverpul” bu yoz o‘z tarkibiga Evropaning qator grand klublari ko‘z tikkan Florian Virtsni qo‘shib olishni uddaladi.

Tecno

22 yoshli pleymeyker nemis futbolining so‘nggi yillardagi eng yorqin iste’dodi sanaladi.

Florian Virts qator qudratli klublar unga mo‘may daromadli takliflar bildirgan pallada nega aynan “Liverpul”ni tanlaganini ochiq aytdi.

-  Men faoliyatimda navbatdagi qadamni tashlash uchun maqbul vaqt kelganiga ishonch hosil qildim. Tabiiyki, keyingi klubim dunyodagi eng kuchli klublar uchligidan bo‘lishini istadim.

Fikrimcha, “Liverpul” aynan shunaqa klub. Men o‘zimni “Liverpul”ga topshirish eng yaxshi variant, deb bildim.

Klub mutasaddilari meni bu loyihaning istiqboliga ishontira oldi, ular menga taklif qilgan narsalarning barchasi juda yaxshi edi, - dedi Florian Virts.

Florian Virts yakunlangan mavsumda barcha turnirlarda 45 ta o‘yin o‘tkazib, raqiblar darvozasini 16 marotaba ishg‘ol qildi va jamoadoshlariga 15 ta golli pas uzatdi.

Liverpulliklar Virtsni olish uchun leverkuzenliklarga 125 million evro to‘ladi va bu Angliya Premer-ligasining eng qimmatbaho kirish transferi sifatida qayd etildi.

Fikrlar

Fikr qoldirish uchun avtorizatsiyadan o'ting!