"Сурхон" грандларни жазолашда давом этади

Мавсумни жуда ёмон бошлаган "Сурхон" сўнгги пайтларда анча ўзига келиб олди. Жамоа қолдирилган 14-тур учрашувида "Пахтакор"ни 1:0 ҳисобида мағлуб қилиб, 3 очкони қўлга киритди. Ўйиндаги ягона голни эса Абдусаломов уришга муваффақ бўлди. 

Бу билан "Сурхон" грандларга қарши қандай ҳаракат қилиш кераклигини кўрсатиб бермоқда. Бундан олдин Давлетов шогирдлари "Андижон"ни сўнгги дақиқаларда гол уриб, мағлубиятга учратганди. 

"Учар тулпорлар" "Сўғдиёна" ва ОКМК жамаоларини ҳам енгиб, барчани лол қолирди. Шунингдек, "Нефтчи" ва "Навбаҳор"га қарши ўйинларда очко олишни эплади. 

Маълумот учун, айни пайтда жамоа 5-ўринга кўтарилиб олди.