"Сурхон" "Краснодар" тарбияланувчиси билан шартнома тузди

Россиялик футболчи Дмитрий Кратков "Сурхон" футболчисига айланди. Бу хусусида клуб матбуот хизмати хабар бермоқда.

Январь ойида Кратков Туркиядаги йиғинда жамоага қўшилди ва кўрик асосида бир қатор ўртоқлик учрашувларда майдонга тушди.

Кратковнинг ҳаракатлари мураббий штабига маъқул келди ва футболчи билан 1+1 кўринишдаги шартномани имзоланди.

Кратков 2002 йилнинг 15 январь санасида туғилган. Унинг амплуаси таянч ярим ҳимоячиси. Қайд этиш керак, Кратков Россияда машҳур бўлган "Краснодар" академиясининг тарбияланувчиси ҳисобланади.

Ярим ҳимоячи бунга қадар "Краснодар 2" жамоасида ўйнаган.