"Сурхон" ва "Андижон" жамоалари коронавирусга тест топширади

“Сурхон” клуби футболчилари Нуриддин Ҳасанов ҳамда Хусниддин Ғофуровнинг COVID-19 га олинган тест натижалари мусбат кўрсаткич қайд этгани ҳақида хабар берган эдик.

Хабарингиз бор, термизликлар 12 июль куни Coca Cola Суперлиганинг 9-тури доирасида Андижонда меҳмон бўлган эди. Хусниддин Ғофуров учрашувнинг 76-дақиқасида захирадан майдонга туширилган. 

Эндиликда “Сурхон” ва “Андижон” клуби футболчилари COVID-19 га тест топширишларига тўғри келади. Мазкур жамоаларнинг навбатдаги ўйинлари режаси шундан келиб чиқиб маълум қилинади.