Сурхондарёнинг Узун тумани ажойиб жанг кечасига мезбонлик қилади ёҳуд VVFC промоушени навбатдаги турнирини ўтказади(Видео)

27 апрель куни Сурхондарё вилояти Узун тумани ўзига хос жанг кечасига мезбонлик қилади.

Яъни, VVFC (Шарқ жангчилари лигаси)промоушени томонидан қўл жангининг профессионал йўналишида (R-1) 5 босқичдан иборат, Гран- При ташкил этилади. 

Унинг биринчи босқичи айнан 27 апрель куни бўлиб ўтади. Мусобақа 57, 66, 70, 77 кг вазн тоифаларида ўтказилади. Яна шуни алоҳида таъкидлаб ўтиш керакки, мазкур турнирда юртимизнинг ва қўшни мамлакатларнинг сара спортчилари иштирок этади.