Таэквондо WT. "Fujairah Open-2023"ни "ёндирган" таэквондочиларимиз тантанали кутиб олинди (фотогалерея)

Аввал хабар берганимиздек, Бирлашган Араб Амирликларида бўлиб ўтган "Fujairah Open-2023" мусобақасида Ўзбекистон таэквондо терма жамоаси аъзолари 6 та олтин, 2 та кумуш ва 1 та бронза жами 9 та медалини қўлга киритди. Таъкидлаш лозимки, Ўзбекистон таэквондо терма жамоаси ўз тарихида илк бор битта мусобақада 6 та олтин медалга сазовор бўлди.

Бугун тонгда қаҳрамонларимиз юртимизга қайтиб келишди. Улар Тошкент халқаро аэропортида Ўзбекистон Таэквондо WT ассоциацияси, яқинлари ҳамда оммавий ахборот воситалари томонидан тантанали кутиб олинди.